martes, 21 de febrero de 2017

Teatro-bailes e concerto

Teatro Valados-Entroidanzas-Palacio da Ópera

   Venres 17 de febreiro 2017 tivemos unha obra de teatro no Auditorio de Mera. A obra representada chámase "Valados", baseada nun libro de Agustín Fernández Paz:


Helena e Xoel son amigos inseparables, non hai horas que lles cheguen para estaren xuntos. Na súa vila comezan a suceder feitos que os desacougan; semella que un vento estraño varreu a alegría das rúas e deixou no seu lugar odio, xenreira e medo. Axiña se erguen altos valados para separar e illar unhas persoas doutras. Valados visibles, e tamén invisibles, que afastan a Xoel e a Helena. Os dous terán que idear mil e unha artimañas para manter viva a intensa amizade que os une.Valados, conto de Agustín Fernández Paz, ilustrado por Xan López Domínguez, é un libro chamado a converterse nunha das achegas máis importantes realizadas pola literatura infantil galega até a actualidade. Un libro sobre a amizade por riba de todas fronteiras. Un libro sobre a fraternidade por riba de muros e valados. Un libro sobre a igualdade e liberdade como dereitos primeiros de todos os seres humanos.

A obra encantóunos.

     Luns 20 de febreiro 2017, no mesmo lugar (Teatro de Mera) tivemos a actuación de "Entroidanzas" na que bailamos diferentes bailes carnavalescos do mundo. Que ben o pasamos!







 

     O martes 21 fomos a un sitio ben especial, o palacio da Ópera para ver unha obra chamadas "historias do mar" encantounos coma sempre visitar ese lugar.








lunes, 6 de febrero de 2017

Visitamos a TELVA

Visitamos a Estación de Tratamento de Auga Potable (ETAP) de A Telva

     O día 6 de febreiro de 2017, 4º C visitou por primeira vez a ETAP de A Telva. Estivemos no lugar no que fai máis de 70 anos, durante 24 horas ao día e todos os días do ano, se trata a auga que consumimos todos os coruñeses e gran parte da comarca.
     Aquí vimos un anaquiño da historia de A Coruña, unha cidade que, coma todas naciu e crecíu en torno á auga potable. É un complexo dos máis avanzados de Europa que modernizou un proceso centenario e sostible.

     A ETAP de A Telva é unha planta industrial na que se capta, se decanta, se filtra e se esteriliza a auga procedente do embalse de Cecebre a través do río Mero.Unha vez completado este proceso a auga impúlsase ás cabeceiras das redes de abastecemento, xa apta para o consumo humano.




   Antes de marchar, e despois de toda a visita fomos a un laboratorio onde fixemos un experimento no que se explicou o filtrado e a forma de limpar a auga de coloides. Este experimento foi un resumo moi sinxelo do que se traballa en toda a planta. Pareceunos moi divertido e interesante. Aprendemos un montón.













Web EMALCSA
     
     Por se alguén quedou con ganas de aprender máis...aquí vos deixamos un enlace para aprender a Historia da Potabilización da Auga.